العودة   الاسهم السعودية - منتديات المتداول الإقتصادية > الاسهم السعودية > منتــــــــــدى الأسهــــــــم السعـــــــــــوديــــة
التسجيل التعليمـــات المجموعات الإجتماعية التقويم البحث مشاركات اليوم اجعل كافة الأقسام مقروءة

إضافة رد
 
أدوات الموضوع انواع عرض الموضوع
قديم 07-01-16, 06:07 PM رقم المشاركة : 1
الكاتب
الرازق الله

متداول

 

احصائيتي




آحدث المواضيع
الإتصال

الرازق الله غير متواجد حالياً

         منتــــــــــدى الأسهــــــــم السعـــــــــــوديــــة   افتراضي هل يكون هذا الخبر هو مسبب النزول للسوق السعودي؟؟؟

 

تنبيه هام

أن جميع مايطرح في المنتدى يعبر عن وجهة نظر كاتبه

بسم الله الرحمن الرحيم



السلام عليكم ورحمة الله وبركاته

رابط الخبر

ملخص-ذا ايكونوميست: السعودية تدرس إدراج أسهم في أرامكو
فى: يناير 07, 2016القسم: آخر الأخبارلا يوجد تعليقات Print البريد الالكترونى
7 يناير كانون الثاني (رويترز) – مجلة ذا ايكونوميست:

* السعودية تدرس إدراج أسهم شركة أرامكو الحكومية أكبر منتج
للنفط في العالم.

* ولي ولي العهد السعودي الأمير محمد بن سلمان قال إن قرارا
بشأن طرح أولي لأسهم أرامكو سيصدر خلال الأشهر القليلة المقبلة.

* الأمير محمد عقد اجتماعين على مستوى رفيع في الآونة الأخيرة
بشأن احتمال طرح أسهم أرامكو في البورصة.

* مسؤولون يقولون إن الخيارات تتراوح بين إدراج بعض أسهم شركات
البتروكيماويات وغيرها من وحدات أنشطة المصب التابعة لأرامكو وبين
بيع أسهم في الشركة الأم.

* الأمير محمد يقول الإدراج سيجعل الشركة أكثر شفافية والحديث
يدور عن طرح نسبة من أسهم الشركة للاكتتاب بالرياض في البداية قد
تصل إلى خمسة بالمئة.

* الأمير محمد يقول اندلاع حرب بين السعودية وإيران سيكون
بداية لكارثة كبيرة بالمنطقة وإن السعودية لن تسمح بحدوث أي شيء
كهذا.

------------------------

هل يكون لأي من هذه المداخلات سبب في نزول السوق؟؟؟

أخر مداخلة للأمير محمد عن الحرب مع إيران، خبر مطمأن على ما أعتقد ويعطي طمأنينة بأن ولاة الأمر يعنيهم أمن وأمان مواطينهم أولا وأخيرا

بالتوفيق للجميع




نشر

 










رد مع اقتباس
قديم 07-01-16, 06:09 PM رقم المشاركة : 2
الكاتب
الرازق الله

متداول

 

احصائيتي




آحدث المواضيع
الإتصال

الرازق الله غير متواجد حالياً

 



يقولون بأن النزول هو لتجميع أكبر سيولة نقدية للإكتتاب لأنه سيكون طرح ضخم والله أعلى وأعلم

طبعا هذا كلام طويطر بالطاء وليس بالتاء

هع













رد مع اقتباس
قديم 07-01-16, 06:22 PM رقم المشاركة : 4
الكاتب
^khalid^

متداول

 

احصائيتي




آحدث المواضيع


الإتصال

^khalid^ غير متواجد حالياً

 



الله يعطيك العافية
السؤال النزول ليس فقط وليد اليوم يا غاالي













رد مع اقتباس
قديم 07-01-16, 06:55 PM رقم المشاركة : 5
الكاتب
محترمـ

متداول

 

احصائيتي




آحدث المواضيع
الإتصال

محترمـ غير متواجد حالياً

 



جزاك الله خير اخي الفاضل
مااعتقد هذا سبب الانهيار اللي حاصل اليومين اللي راحت وربما يكون سببه أسواق النفط والأسواق العالمية وسوقنا طبعا لازم يواكبها والله اعلم وطبعا أكيد اكتتاب كبير مثل أرامكو بيحتاج توفير سيولة ولكن متى يعلن عنه الله اعلم













رد مع اقتباس
قديم 07-01-16, 07:13 PM رقم المشاركة : 6
الكاتب
الرازق الله

متداول

 

احصائيتي




آحدث المواضيع
الإتصال

الرازق الله غير متواجد حالياً

 



اقتباس:

المشاركة الأصلية كتبت بواسطة ^khalid^ مشاهدة المشاركة

الله يعطيك العافية
السؤال النزول ليس فقط وليد اليوم يا غاالي

الله يعافيك إن شاء الله

طبعا أنا ذكرت بأن يقولون، ووكالة يقولون ما لها مصداقية عندي أساسا

المهم، ردا وتعقيبا على الجملة أعلاه، النزول ليس فقط وليد اليوم

أقول، لو كان فعلا الإكتتاب ضخم ومحتاج سيولة، وإنه فعلا راح يعلن قريبا وخلال الأشهر القادمة

ومن باب عدم اللجوء للتسهيلات مثل ما حصل في إكتتاب البنك الأهلي

ألا تعتقد بأن أصحاب المال والجاه يعلمون بهذا الطرح وبالتاريخ والساعة أيضا من فترة طويلة فقاموا بالبيوع الحاصلة وإنزال السوق لتعليق صغار المتداولين وجعلهم يخسرون ما يخسرون من أموالهم ليصفى لهم جو الإكتتاب ولا يلاقوا منافسة من الفقارة اللي مثلي مثلك؟؟؟؟


أترك المايك لك ولكل من له تعقيب ومداخلة على ما خطيت في الأسطر السابقة باللون الأحمر الفاقع

شكرا لكم وبالتوفيق للجميع













رد مع اقتباس
قديم 07-01-16, 07:16 PM رقم المشاركة : 7
الكاتب
الرازق الله

متداول

 

احصائيتي




آحدث المواضيع
الإتصال

الرازق الله غير متواجد حالياً

 



اقتباس:

المشاركة الأصلية كتبت بواسطة محترمـ مشاهدة المشاركة

جزاك الله خير اخي الفاضل
مااعتقد هذا سبب الانهيار اللي حاصل اليومين اللي راحت وربما يكون سببه أسواق النفط والأسواق العالمية وسوقنا طبعا لازم يواكبها والله اعلم وطبعا أكيد اكتتاب كبير مثل أرامكو بيحتاج توفير سيولة ولكن متى يعلن عنه الله اعلم

الله يجزاك كل الخير اخوي الفاضل

والله في سوقنا ترى العجب العجاب

في الأخبار السلبية أول وأقسى النازلين

في الأخبار الإيجابية نازل

في الأخبار المحايدة نازل

متى يرتفع؟؟؟

بمزاج الهوامير فقط

لا صانع ولا هيئة وقال إنفخ يا عبيد قال ما هناك قربة مشقوقة ولا هناك برطم ولا بارك الله لا فيها ولا في ختها

يعين الله













رد مع اقتباس
قديم 07-01-16, 07:49 PM رقم المشاركة : 8
الكاتب
كالسيوم

متداول

 

احصائيتي




آحدث المواضيع
الإتصال

كالسيوم غير متواجد حالياً

 



اعتقد ان الازمه عالميه وليست محليه
وهذا كفيل بأن السبب ازمه عالميه
تداخلت فيها الأمور ما بين حرب اقتصاديه وحرب فعليه مع انكماش اقتصاديات كبيره كالصين مع انخفاض للبترول نتيجه لهذه العوامل وايضاً إغلاق الخط أما النفط الصخري و. و .
الله يعين .. لن ينجح الا من يتحلى بالصبر













رد مع اقتباس
قديم 07-01-16, 08:23 PM رقم المشاركة : 9
الكاتب
الرازق الله

متداول

 

احصائيتي




آحدث المواضيع
الإتصال

الرازق الله غير متواجد حالياً

 



اقتباس:

المشاركة الأصلية كتبت بواسطة كالسيوم مشاهدة المشاركة

اعتقد ان الازمه عالميه وليست محليه
وهذا كفيل بأن السبب ازمه عالميه
تداخلت فيها الأمور ما بين حرب اقتصاديه وحرب فعليه مع انكماش اقتصاديات كبيره كالصين مع انخفاض للبترول نتيجه لهذه العوامل وايضاً إغلاق الخط أما النفط الصخري و. و .
الله يعين .. لن ينجح الا من يتحلى بالصبر

يعين الله

اليوم نفذ صبري وطلعت ولله الحمد والشكر

الإنتظار أراه أفضل في قادم الأيام

مثل ماتفضلت يا أخي الفاضل، تراكمت علينا الأخبار السيئة من كل صوب وجهة

خلنا ننكمش من الإنكماش والتقشف زين يقولوا في البرد

إذا الله عطانا عمر، وباقي عندنا حيلة، راح نرجع للسوق، ولا يمنع إن الواحد إذا شاف فرصة يغتنمها

على طاري يغتنمها، أذكر قبل حول العشرين سنة، اكثر شوي كان أحد أبناء العم عنده مزرعة، وتعرفوا عاد هذيك الأيام كانت الفلوس شحيحة، قال لي وش رايك يود العم نشتري لنا كم نعجة نربيهم؟؟؟

قلت له من وين لنا يبن العم، قال ما عندك 1000 ريال، قلت له إمبلى عندي وانا ود عمك، قال خلاص، انا 1000 وإنت 1000 نشتري لكنا كم نعجة

قلت له يمكن ما يجيبوا لنا شي، قال الخميس وعدنا، وأليس الخميس بقريب

قلت له على الله توكلنا

جا يوم الخميس، قال يبن العم إصحى من النوم، قلت له وما عندك في هذه الساعة المبكرة، قال اقول لا يكثر قوم وتروش او حتى أغسل وجهك يكفي، لأن مشوارنا مشوار خياس

قلت عسى خير

ركبنا الونيت اللي كان موديل 81 شفروليت حجم 10 وكان لونه ازرق سماوي

ومشينا ووقفنا في محطة قال إنزل وجيب لنا كم فطيرة على عصير على كم غشرة ماء

قلت له وين ساير، قال للخير رايح

مشينا لين وصلنا قريب الحفر، وكان فيه على الطريق يمينا ويسارا لوح إعلانات خطت بأيدي عامية، لا تعلمت الخط وعلى القراءة توهم داشين

مكتوب غنم للبيع، وأخرى بعران للبيع، وبعدها علف و و و و، بعدها فهمت على وين ساير إبن العم

الحاصل، وقفنا عند أحد مراعي إن صحة التسمية، ونزلنا

سلام يارجال

عليكم السلام يارجال إقلطوا إقلطوا

قال لهم ود العم، جاي من طرف فلان عشان النعوج اللي كلمكم عليهم

قال والنعم، هلا والله حلفت عليكم إن تقلطون وغداكم اليوم علانا

قلنا لا والله ما نكسر حلفك لكن ورانا مشوار كم ساعة لين ما نرجع لأهلنا

قال المكان مكانكم وإنتم الداشين وإحنا الطالعين

قلنا غدوتكم وصلت، بس نبي نمشي

المهم، كان مجهز لنا 5 او 6 نعجات نسيت بالضبط كم كانن، بس الظاهر إنهن كانن 5 نعجات

أخذناهم بـ 2000 ريال او تقل قليلا أذكر كانن هذيك السنة لما حسبناها تقريبا تطلع النعجة بـ 320 او 350 ريال هالحدود ما تزيد

الحاصل وأنا أخوكم ولا أكذبكم القول والله على ما أقول شهيد

كلها كم شهر، ما شفنا إلا النعاج صارن يولدن، أتاريهن كانن حاملات وإحنا وش عرفنا لهن، والأحسن والأفضل من إنهن يولدن، بعضهن يولدن توم يعني 2 في ولدة وحدة، والأحلى من هالأمر بعضهن يولد في السنة مرتين

الحاصل، بعد سنة ونص، صار عندنا خرفان ونعاج يا كثر، لدرجة إن إحنا مش ملحقين على علفهم، بعنا اللي بعناه وخلينا اللي خليناه

مرت سنة إلا وطالعة موضة التيس السوري ابو 30 الف ريال، والخروف المادري وش قالوا عنه وهالكلام

ود العم كلم الرجال يكلم راعي المرعى يشوف لنا خروف من الخرفان اللي اذا ولدت النعجة من ضربته ولها ينباع مدري بكم، عاد وجاء الخميس ونفس المنوال، اصحى يود العم ... إلخ

رحنا المرعى سلام يارجال

وعليكم السلام يارجال

إلخ

أخذنا هذا الخروف الفحل اللي رفعه متر وطوله من الراس للكفل مترين وتقول وانيت غمارتين

وكان سعره حول 1600 ريال، وطبعا هذك الأيام 1600 ريال على فحل ما ياخذه اللي المهبول

عاد رجعنا به، والكل قال لعبوا عليكم في سعره، واللي يقول غالي، واللي يقول إنضحك عليكم

واللي يقول إنتو مهابيل وهالكلام

تركناه من النعاج سنتين بعدها، وبدل المربط بنينا إثنين

وصار عندنا ما صار من خير ولله الحمد والمنة

بعنا اللي بعناه وخلينا اللي خليناه

الحاصل وأنا أخوكم

جت فترة نزل مرض على الخرفان، تجي دودة وتنخر في رجلهم وفي راسهم قريب من عينهم، وما خلينا بيطر إلا وجبناه ولا خلينا راعي حلال إلا وسألناه

وبالأخير طلع العلاج سهل، عطونا رشة كيماوي لونها ازرق او بنفسجي ما أذكر، وكانت تقتل الديدان

عاد مات ما مات، وبقى ما بقى

نوينا نبيعهم ونتقاسم الحلال

جبنا راعي حلال يشوفهم إذا له خاطر فيهم

والله ما أكذب عليكم والله على ما أقول شهيد وعسانا أخسر ما وراي وقدامي إن كنت قلت كلمة غير صحيحة

جاء الرجال وشافهم وعطانا سعر 50 الف ريال للحلال كامل

تخيل، مشروع بدأ بـ 2000 ريال وكم نعجة، بعد أربع سنوات إلى 5 سنوات جاب له 50 الف

المهم، طبعا بغينا نسوي البيعة رسمية، تعرف مبلغ كبير هذيك السنة وراح نودعه في البنك، يمكن يسألونا من أين لك هذا

شرطنا على الرجال تكون البيعة في مكتب العمدة في بلدنا وبوجود شهود

قال من طلبتوا شي، هيا

ركبنا الونيت وهو معانا، وإحنا في الطريق قال طلبتكم وأدري الحلال يستاهل بس بغيتكم تراعوني في كم ريال والمبلغ مو متوفر عندي هاليومين وأخاف اعطيكم كلمة ولا اقدر ادبر المبلغ وأخرب عليكم بيعتكم لأحد ثاني ومن هالكلام

وإحنا نحاول نمسك نفس السعر بس بالأخير ود عمي قال يسلم راسك نزلنا لك 5000 ريال

قال رحم الله والديكم

ألحين وصلنا مكتب العمدة

السلام

عليكم السلام

جايين ياعمدة نبيك تشهد علي بيعة

قال وش البيعة

قلنا بايعين حلالنا من الغنم بعدد كذا راس على هالمبروك

قال وكم السعر

قلنا له 45 الف

رد الرجال اللي المفروض يشتري قال لا مو احنا اتفقنا إنكم بتارعوني

قلنا له ايي، وشلنا عنك 5 الاف من اصل 50 الف، وصارت 45 الف

قال وانا طمعان في كرمكم، قلنا له ما يصير يا خوك متفقين وراعيناك وجايين وإحنا متفقين

عاد العمدة ملقوف، زي اللي حس إنه له سعي في الموضوع وإلا شي، او هذاك غمز له والله لليوم ما ندري وش صار

اللا العمدة داش في الموضوع وقاعد يتوسط ويحاول وفيه كم واحد جالسين في مكتب العمدة حق شرب شاي وقرقة مالها داعي، وداشين في الموضوع

عاد أنا وود العم نبي نفتك من هالبلوة، ونبي نفتك من التعب في مداراة الحلال

يمين يسار يمين يسار خلصت البيعة بـ 38 الف ريال

الحمدلله رب العالمين على ما أنعم به علينا

عاد تقاسمنا المبلغ وكل من طيره في شغلات وأمور دنيوية

الله يرحم بزمن أول، كان والله أحلى زمن

2000 ريال، تجيب 38 الف ريال بعد المكاسر في 5 سنوات

اسف ع التطويل، بس الظاهر من طلعت من السوق وأنا فيني كلام أبغى اطلعه

هههههههههههههههه

بالتوفيق للجميع

عندي سالفة مشروع ثاني دخلنا فيه، بس باقوله إذا شفت له وقت مناسب

وطبعا راس المال اقل من 2000 ريال

هههههههههههههه

سلام(ن) عليكم













رد مع اقتباس
قديم 07-01-16, 08:52 PM رقم المشاركة : 10
الكاتب
سلطان الغيم

محلل فني
مشرف منتدى الأسهم السعوديَّة

 

احصائيتي




آحدث المواضيع
الإتصال

سلطان الغيم غير متواجد حالياً

 



قصة جميلة جداً التي ذكرتها

و بالفعل التجارة بالأغنام و الضآن و الأنعام بشكل عام
مربحة جداً و لله الحمد

و لكن هي متعبة و تحتاج إلى متابعة و حارس و تكلفة الضرمة (العلف)

أنا لدي مشروع جيد
تمنيت أن يتم توزيع داخل الحواري صناديق حديدية ليضع فيها الناس العيش وو بقايا الطعام
لبيعها و توزيعها على رآعي الموآشي و الأغنام

منها نقلل من الإسراف و التبذير
و تكون الحارات و الحواري نظيفة
و أيضاً نطعم الموآشي و البهائم بسعر رخيص

و لكن المشروع يحتاج إلى مبلغ كبير و يكون رسمي
قد تكون فيه عيوب المشروع و أنا لم أدرسه

بوركت













رد مع اقتباس
قديم 07-01-16, 09:08 PM رقم المشاركة : 11
الكاتب
الرازق الله

متداول

 

احصائيتي




آحدث المواضيع
الإتصال

الرازق الله غير متواجد حالياً

 



اقتباس:

المشاركة الأصلية كتبت بواسطة سلطان الغيم مشاهدة المشاركة

قصة جميلة جداً التي ذكرتها

و بالفعل التجارة بالأغنام و الضآن و الأنعام بشكل عام
مربحة جداً و لله الحمد

و لكن هي متعبة و تحتاج إلى متابعة و حارس و تكلفة الضرمة (العلف)

أنا لدي مشروع جيد
تمنيت أن يتم توزيع داخل الحواري صناديق حديدية ليضع فيها الناس العيش وو بقايا الطعام
لبيعها و توزيعها على رآعي الموآشي و الأغنام

منها نقلل من الإسراف و التبذير
و تكون الحارات و الحواري نظيفة
و أيضاً نطعم الموآشي و البهائم بسعر رخيص

و لكن المشروع يحتاج إلى مبلغ كبير و يكون رسمي
قد تكون فيه عيوب المشروع و أنا لم أدرسه

بوركت

الله يبارك فيك أخي الفاضل

ذكرتاني بالخبز، كنا نشتريه من عند خباز التميس

إتفقنا معاه اي قرص يحترك او يخرب، يحطه في كيس الطحين الفارغ طبعا، وكنا كل يوم بعد صلاة العشاء نمر عليه وناخذ من عنده الكيس بـ 10 ريال

يوم ما نلاقي عنده إلا كيس، ويوم نلاقي عنده ثلاثة أكياس وإحنا وحظنا

قبل ثلاثة أيام تقريبا، رحت نفس الخباز أشتري خبز تميس، ولقيت نفس البأئع الأفغاني موجود وهذا الكلام تقريبا 25 سنة ما تقل عن هالسنوات إذا ما زادت عليها كم سنة بعد

سبحان الله، الأفغاني باقي موجود من هذيك السنة، لو ما التميس والفول والقلابة وراها ربح كان ما ضل كل هالوقت، والظاهر اللي معاه الجدد ولاده او أقرباه

والله ما فيه على التجارة، لكن يبي لها تفرغ ياخوك

وبحكم الوظيفة، الواحد ما عنده وقت، وهذا اللي خلانا ندور لنا رزقة ثانية غير الراتب في هالسوق

لكن من جحر لدحديرة

وبالنسبة لحاويات الخبز، هناك من قام بها في بعض مناطق المملكة، وتم التفاعل من المجتمع بشكل كبير

منها حفظ للنعمة من الرمي في الزبالة أكرمكم الله

ومنها تكون علف للأغنام

للأسف بعض أصحاب المنازل يطلبوا من البلدية بإزالة حاوية جمع الخبز بحجة إنها تضايقهم او شكلها غير حضاري، مع إني كنت اشوفها اكثر من رائعة ومتناسقة والتجميع دائما ما يكون داخلها ولا يرمى بجانبها اي شي

ويتم إفراغها بشكل يومي تقريبا

لكن ناس ما تحب الخير لغيرها

بالتوفيق للجميع وشاكر لك الطلة على الموضو













رد مع اقتباس
قديم 08-01-16, 06:35 PM رقم المشاركة : 12
الكاتب
الريس

متداول

 

احصائيتي




آحدث المواضيع
الإتصال

الريس غير متواجد حالياً

 



بارك الله فيكم , من الافكار الصغيرة تبنى الإمبراطوريات الاقتصادية العظمى .













رد مع اقتباس
قديم 08-01-16, 06:46 PM رقم المشاركة : 13
الكاتب
الرازق الله

متداول

 

احصائيتي




آحدث المواضيع
الإتصال

الرازق الله غير متواجد حالياً

 



اقتباس:

المشاركة الأصلية كتبت بواسطة الريس مشاهدة المشاركة

بارك الله فيكم , من الافكار الصغيرة تبنى الإمبراطوريات الاقتصادية العظمى .

الله يبارك فيك ويحفظك إن شاء الله













رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 
   


الساعة الآن 10:33 PM.




Powered by vBulletin® Copyright ©2000 - 2020, Jelsoft Enterprises Ltd.

Privacy Policy
powered by PalDesign